Il terren da 3’354 meters quadrats en il territori Strada/Tect po la vischnanca cumprar d’ina firma. L’idea da la suprastanza communala è da divider la parcella uschia, che quatter fin tschintg chasas d’ina famiglia han plaz. Ils criteris exacts per la vendita da las singulas parcellas da bajegiar, respectiv per surdar quellas en il dretg da construcziun – sto la suprastanza anc definir.
Plaz per nova halla per autos da posta
Ina segunda fatschenta da la radunanza communala è stada la vendita da terren en la zona da mastergn La Gneida a Salouf. Cun 63 vuschs e naginas cuntravuschs ha la radunanza communala approvà la vendita da 1’461,3 meters quadrats a la RepTrans SA. Quella dovra il terren per construir ina nova halla per autos da posta. Il pretsch da vendita munta a 147’717 francs.
