Siglir tar il cuntegn

Header

audio
Mainagestiun dal Parc Ela Dieter Müller chala suenter 15 onns
Or da Actualitad dals 30.10.2021.
laschar ir. Durada: 3 minutas 35 Secundas.
cuntegn

Suenter 15 onns Dieter Müller di adia al Parc Ela

Dieter Müller banduna il Parc Ela suenter 15 onns avair luvrà per quel. L'emprim collavuratur e mainagestiun ha gust sin ina midada e di ch'ina midada fetschia er bain al Parc e l'organisaziun. In successur u ina successura n'è dentant betg anc chattada.

Nus essan parc – quai ha Dieter Müller vivì ils davos 15 onns. El è stà l'emprim collavuratur dal Parc Ela ed ha manà quel tras tut las votaziuns communalas ed instanzas federalas per survegnir il label parc da la natira. Ussa saja il temp madir per ina midada persunala, ma er per ina midada a la testa dal pli grond parc da la natira svizzer. Dieter Müller ha ils 31 d'october ses davos di da lavur e vegn suenter a lavurar per in biro da cussegliaziun d'energia. Ina successura u in successur n'è betg anc chattà, uschia surpiglia ad intermin Judith Burri la gestiun.

Nus essan parc

Er sch'el haja adina puspè gì da declerar tge ch'il parc saja e tge ch'il parc na saja betg è Dieter Müller fitg cuntaint, e quai cun raschun. In parc sa sviluppia, las persunas che vivan e lavuran en il parc sajan la basa per il success. Uschia saja ussa terminada ina emprima fasa, per la fasa da concretisaziun e da manar en il futur il Parc Ela sajan dumandadas novas forzas, resumescha Müller ses temp ch'el è s'engaschà per la chausa dal parc. En futur vegn el ad esser ina da quellas 6'000 persunas che vivan en il parc e quai tenor il motto ch'el ha vivì: «Nus essan parc».

RTR actualitad 07:00

Artitgels legids il pli savens