Il president da l'uniun parc natiral Beverin Thomas Buchli deplorescha che la directura Ramona Liebeton banduna il mars 2023 il parc. El haja dentant er chapientscha per questa decisiun da s'orientar da nov. S'orientar da nov stoppia er il parc. Suenter il cler Gea da la vischnancas per la prolungaziun dal contract per in parc, saja er adina stà cler d'adattar las structuras.
Il parc ha cumenzà cun 2 persunas – ussa lavuran 15 per nus
Che las lavurs sajan ussa autras ch'il cumenzament saja er cler, uschia Buchli, e perquai stoppian las structuras vegnir adattadas.
Preparar per ils proxim onns
Ensemen cun il persunal dal parc duess ussa vegnir elavurada la nova structura. Per Thomas Buchli èn diversas furmas pussaivlas – ina direcziun cun ina persuna u ina co-direcziun u er in auter model. Impurtant saja dentant tenor el d'avair ina persuna cun in flair da restructuraziun. Ils emprims diesch onns saja vegnida fatga lavur da basa e preparaziun, ussa enfin il 2032 sajan da realisar las finamiras formuladas da la charta 2023-2032 dal parc.
