Sco quai che Viamala Turissem scriva en ina communicaziun, saja la nova senda da viandar vegnida realisada da commembers da l’associaziun da lavurers communals da Meilen ed Uster. La nova senda da viandar è dus kilometers e mez lunga, e passa dasperas la riva dal lai vi. Igl è pussaivel da circumdar il lai. Cun quai che la senda da viandar è vegnida fatga en lavur voluntaria, hai dà mo custs da material, pernottaziuns e carburant per las maschinas. La gronda part è vegnida finanziada da sponsurs, il rest ha pajà la vischnanca da Sufers. Tar la collavuraziun cun Meilen ed Uster saja quai vegnì entras il suprastant da Sufers Hans Hasler, che viveva a Meilen.