Suprastanza communala Bravuogn è cumpletta

Riet Schmidt e Rico Florinett da Bravuogn sco era Reto Bachmann e Johannes Schmid da Filisur èn ils nov elegids commembers da la suprastanza communala da la nova vischnanca fusiunada Bravuogn/Filisur.

Bravuogn. Bild in Lightbox öffnen.

Legenda da maletgs: Bravuogn. RTR

353 cedels da vuschar valaivels han ins dumbrà tar l'elecziun da la vischnanca Bravuogn/Filisur. Cun 265 vuschs è vegnì elegì Riet Schmidt (Bravuogn), cun 224 vuschs Rico Florinett (Bravuogn), cun 216 vuschs Reto Bachmann (Filisur) e cun 198 vuschs Johannes Schmid (Filisur). Per ils quatter sez avevan candidà en tut 6 umens ed ina dunna.

Gia il settember ha il suveran elegì Luzi Schutz sco emprim president communal da la vischnanca fusiunada.

RR novitads 18:00