Siglir tar il cuntegn

Header

cuntegn

Grischun Central Suprastanza da Ferrera/Schmitten puspè cumpletta

La vischnanca da Ferrera/Schmitten ha il venderdi saira elegì Viktor Schwarz da nov en suprastanza communala. Ultra da quai ha la vischnanca concedi in credit per las ovras electricas da Tavau da 137’000 francs sco er in credit per novas tavlas da vias e chasas.

Era ha la vischnanca da Ferrera/Schmitten laschà infurmar ord vista giuridica d’ina persuna neutrala sur da pussaivlas fusiuns, scriva la vischnanca. La suprastanza communala è da l’opiniun, da spetgar per il mument cun ina fusiun e da restar sulet per il mument. Ina fusiun cun Tavau giavischada dal suveran da Ferrera/Schmitten na vegn betg sustegnìda finanzialmain dal chantun, uschia che Tavau n’è betg interessà vid ina fusiun.

Plinavant ha la radunanza communala decidì da cumprar novs quintaders dal current electric, in credit da 137'000 francs è vegnì approvà. Mess a quint vegn l'electricitad da l'Ovra electrica da Tavau.

Cun in credit approvà da 13'000 francs vegnan las vias e chasas da nov signalisadas.

Artitgels legids il pli savens