Siglir tar il cuntegn

Header

cuntegn

Surava Duas persunas blessadas tar accident sin via da muntogna

Legenda: L'auto è stà airi a l'ur da la via, suenter ch'el è sursiglì radund 70 meters dasper la via giu. MAD, Polizia chantunala

In um da 31 onns ed ina dunna da 27 onns èn charrads dumengia, curt suenter las 17:00 sin ina via da muntogna, direcziun Alp Ozur vers ensi. Lura è l'auto vegnì sanester giud via. L'auto è sursigliì pliras giadas sin in traject da radund 70 meters. Sin il tetg è l'auto lura stà airi a l'ur dal gugud. Entras in alarm ch'è ì liber automaticamain da l'auto, è la Polizia chantunala vegnida infurmada davart l'accident.

Salvament en territori betg bain accessibel

In'equipa da la Rega ha salvà ils dus blessads or dal territori betg bain accessibel. La dunna è vegnida transportada en l'Ospital chantunal da Cuira, l'um è medemamain vegnì transportà d'ina equipa dal salvament Grischun central a Cuira.

Per segirar l'auto èn ils pumpiers da Vaz stads en acziun. La Polizia chantunala examinescha anc il decurs exact da l'accident.

audio
Per tadlar: Las novitads da las 12:00
05:00 min, RTR Audio dals 13.09.2021.
laschar ir. Durada: 05:00 minutas.

RTR novitads 12:00

Artitgels legids il pli savens

Scrollar a sanestra Scrollar a dretga