Siglir tar il cuntegn

Header

cuntegn

Surmeir Emprims scolars vegnan puspè instruids en l’idiom

Oz ha puspè cumenzà la scola. Per las scolas en il Surmeir è quai anc in pau pli spezial che uschiglio. Las emprimas classas vegnan puspè alfabetisadas en surmiran. Er a Savognin è rumantsch grischun istorgia per l’emprima classa, i vegn instruì en surmiran. RTR ha fatg ina visita.

audio
Prim di da scola da la scolasta Laura Bonifazi
ord Actualitad dals 16.08.2021.
laschar ir. Durada: 3 minutas 5 Secundas.

Noss reporter Federico Belotti ha visità la scola a Savognin. El è tar Laura Bonifazi, la scolasta da l'emprima classa, che ha strusch pudì spetgar da beneventar las emprimas scolaras e scolars.

audio
Laura Bonifazi, la scolasta da l'emprima classa cun 21 scolaras e scolars
ord Actualitad dals 16.08.2021.
laschar ir. Durada: 5 minutas 25 Secundas.

Noss reporter Federico Belotti cun impressiuns da quai di spezial per blers uffants. Cumenzà ha il di per els cun sa preschentar, quai en moda divertenta. Ins ha era gì l'empressiun ch'ils uffants han gì plaschair da puspè pudair cumenzar la scola.

audio
Impressiuns dal prim di da scola a Savognin
ord Actualitad dals 16.08.2021.
laschar ir. Durada: 1 minuta 58 Secundas.

A Savognin datti quest onn gist 21 scolaras e scolars ch’entschaivan l’emprima classa. Els tutgan tar ils emprims scolars che vegnan puspè instruids en surmiran.

audio
Geniturs leds ch'ils uffants emprendan Surmiran
ord Actualitad dals 16.08.2021.
laschar ir. Durada: 2 minutas 36 Secundas.

Avant circa in onn avevan las radunanzas communalas da Lantsch, Albula/Alvra e Surses decidì da puspè instruir surmiran empè da rumantsch grischun en scola. Tut las classas ch’han entschet cun rumantsch grischun, vegnan vinavant alfabetisadas fin la fin da la temp da scola obligatoric.

RTR actualitad 06:00

Artitgels legids il pli savens