Siglir tar il cuntegn

Header

audio
Musica da Mon, Stierva e Salouf
Or da Actualitad dals 19.11.2021.
abspielen. Laufzeit 2 minutas 38 Sekunden.
cuntegn

Surmeir Provas da musica n'èn betg visitadas bain

La Musica instrumentala Salouf Mon Stierva ha il mument fadia d’avair avunda musicantas e musicants a las provas. Sco quai ch’il president Filip Sonder ha ditg, manchia adina almain in terz a las provas. Uschia saja per part grev da far provas.

«Ils registers èn per part en dus u trais, e sch’i manca l’entir register lura manca questa vusch, cun la consequenza ch’i n'è betg pussaivel d’exercitar sco ch’i tutga», resumescha il president la situaziun actuala. El crai ch’i dettia persunas ch’hajan anc respect dal virus, ed auters hajan sa disà vi da la situaziun actuala cun corona e fetschian ussa pli gugent autras chaussas che ir ad exercitar.

30 èn lubids en ina stanza

La musica instrumentala ha il mument 38 commembras e commembers. Las provas visitan il mument adina tranter 15 e 25 persunas. Filip Sonder spera però, ch’i dettia en l’avegnir ina pli auta participaziun. Cunquai che la musica exercitescha senza certificat datti ina limita da 30 persunas. Avessi ina giada a dar dapli che 30 ad ina prova, lura di il president, ch’ins pudessia exercitar en duas stanzas, quai saja lura puspè lubì.

Concert da Nadal

Sche tut va tenor plan fa la Musica instrumentala Salouf Mon Stierva in concert da Nadal. Sch’il concert da primavaira po avair lieu pervi da corona è il mument anc intschert. L’idea fiss stada da far in concert cuminaivel ensemen cun la musica da la Valposchiavo Filarmonica Brusio. Ma Filip Sonder crai ch’i dettia plitost in concert mo cun las atgnas musicantas e musicants. Ed el agiunta: «A l’uniun faschessi bain da puspè ina giada far in concert sco pli baud».

Filip Sonder, il president da la Musica instrumentala Salouf Mon Stierva.
Legenda: Filip Sonder, il president da la Musica instrumentala Salouf Mon Stierva. Federico Belotti

RTR actualitad 07:00

Artitgels legids il pli savens

Scrollar a sanestra Scrollar a dretga