Siglir tar il cuntegn

Header

Navigaziun

Legenda: Tadlar il audio Bunura: Surses e sia plazza communala sin il telefonin. Durada 02:55 minutas.
02:55 min, Actualitad dals 21.02.2019.
cuntegn

Grischun Central Surses e sia plazza communala sin telefonin

La vischnanca da Surses survegn ina nova plattafurma digitala, nua che burgais e possessurs da segundas abitaziuns pon s’infurmar e sa barattar da quai che curra e passa en la val.

Cun la plattafurma online «Plazza communala digitala» da la firma Crossiety vul l’uniun Anavant Surses e la vischnanca da Surses crear in lieu per il barat tranter ils vischins. Uschia duessi dar infurmaziuns uffizialas da la vischnanca, uniuns pon far reclama per lur occurrenzas e gruppas pon lantschar discussiuns.

La rait sociala è accessibla sur ina pagina d’internet, per tablets e telefonins datti ina app. Tgi che vul sa participar a la plazza digitala sto sa registrar sur la pagina d’internet www.crossiety.ch. Igl è era pussaivel da far quai direct sur la app sin il telefonin. Il mument è la app anc en la fasa da test, lantschada uffizialmain vegn ella ils 30 da mars.

RR actualitad 08:00