Siglir tar il cuntegn

Header

audio
Cronica da Tinizong e Rona da Mario Jegher
Or da Total local dals 04.08.2022.
laschar ir. Durada: 4 minutas 40 Secundas.
cuntegn

Surses L'istorgia da las vischnancas Tinizong e Rona e lur fusiun

Tinizong e Rona n'existan oz betg pli sco vischnancas independentas. Mario Jegher ha piglià la chaschun da las fusiuns per dar in’egliada en l’istorgia animada da las dus vischnancas, da las emprimas scuvertas preistoricas enfin a l’entschatta da quest tschientaner.

Il cudesch en rumantsch, cun singulas parts en tudestg, ha 12 chapitels tematics. Ils chapitels in e dus sa deditgeschan a l’istorgia da Tinizong e Rona, il chapitel trais a las fusiuns. Populaziun, cultura e religiun, economia, natira e resursas natiralas, activitad da las uniuns, scola e projects novs d’infrastructura furman ils puncts centrals da las explicaziuns che suondan. Arrundada vegn la cronica cun ina contribuziun da l’archeolog Manuel Janosa davart l’istorgia da la construcziun da la baselgia parochiala da Son Plasch e davart la fossa da famiglia dals de Marmels.

Fotografias ed illustraziuns

Passa tschient fotografias istoricas ed actualas, plans, illustraziuns e documents cumpletteschan la cronica. Las fotografias derivan dal fotograf turitgais Rudolf Zinggeler, ch’ha documentà la populaziun e la cuntrada dal Surses enturn la midada al ventgavel tschientaner.

La vernissascha dal cudesch è ils 13 d’avust a las quatter il suentermezdi en l’ustaria La Scuntrada a Tinizong.

Autur

Avrir la box Serrar la box
Legenda: RTR, Federico Belotti

Mario Jegher è naschì il 1932 a Tinizong ed è stà scolast secundar en il cirquit da Surses enfin sia pensiun. Suenter sia pensiun, dal 1997 enfin l’onn 2004, è el stà il president communal da Tinizong e da la vischnanca fusiunada Tinizong-Rona. Tinizong e Rona han fusiunà l’onn 1998.

Artitgels legids il pli savens

Scrollar a sanestra Scrollar a dretga