Siglir tar il cuntegn

Header

cuntegn

Surses Ovra electrica s’engascha per il guaud

Il directur da las Ovras electricas da Turitg EWZ Benedikt Loepfe ed il president communal da Surses Leo Thomann han plantà la gievgia aviez (Weisstannen). Cun quest'acziun da la EWZ duai vegnir simbolisà il partenadi da plirs decennis, e vegnir suttastritgà l’engaschi per l’ambient ed il clima.

En tut vegnan plantads passa 50 aviez sin in toc guaud sur Tinizong. Las plantinas èn davos ina saiv, uschia èn ellas protegidas da donns entras la selvaschina. La EWZ finanziescha il mantegniment durant ils proxims 20 onns.

En il guaud sur Tinizong èn tranter auter da chasa giaglinas selvadias, che valan sco pli grondas giaglinas da l’Europa. Sco quai che Leo Thomann ha ditg, saja l’aviez fitg adattà, la vischnanca Surses haja gia fatg bunas experientschas en auters lieus cun questa planta che creschia enfin sin circa in’autezza da 1'400 meters sur mar. Per l’ina sajan las ragischs pli fermas e cun la midada dal clima sajan las plantas fitg resistentas. Per la vischnanca saja impurtant d’augmentar la biodiversitad, cun quai ch’ins haja sin il territori dal Surses blers pegns e lareschs.

EWZ sto s'engaschar per l'ambient

La EWZ che nizzegia tranter auter l’aua dal lai da Marmorera, s’engascha adina puspè per projects da natira en il Surses. Avant in pèr onns ha la EWZ investì sin l’Alp Flex radund dus milliuns francs per mesiras da cumpensaziun. Quai per revitalisar la cuntrada da palì. Da nov sto il lai da Marmorera era dar giu aua. Per quest intent ha la EWZ laschà installar in indriz da dotaziun. Quai cun la consequenza ch’il ragn d’Err a Tinizong ha dapi l’onn passà dapli aua.

RTR actualitad 07:00

Artitgels legids il pli savens

Scrollar a sanestra Scrollar a dretga