Siglir tar il cuntegn

Header

  1. Novitads
  2. Grischun Central
  3. Artitgel actual
cuntegn

Surses Ovra idraulica Adont ha retard

Las lavurs da construcziun vid la nov’ovra idraulica pitschna Adont èn a fin. Perquai che la turbina en la centrala nova al lai da fermada da Burvagn fa anc problems, n’è l’ovra idraulica betg anc vi da la rait. Previs era ina fasa da test d’in mais a partir dal prim d’october.

Autur:

Sco quai che Thomas Ziegler, il manader da project da l’Ovra electrica da Turig EWZ ha ditg envers RTR, sajan ins il mument vi dal sclerir ils problems da la turbina ch’haja in dischequiliber che chaschunia vibraziuns nunspetgadas. Sch’ins possia quest onn anc entschaiver cun la fasa da test, na saja betg anc cler. Finamira saja da pudair profitar da la luada da la naiv l’avrigl, uschia Ziegler.

audio
Salouf: Nova ovra electrica Adont ha retard
aus Actualitad vom 02.11.2021.
abspielen. Laufzeit 4 minutas 1 Sekunde.

Lavurs tenor plan

Uschiglio haja funcziunà tut tenor plan, accidents n’haja dà nagins. Era quai che pertutgia la renaturaziun, sajan las lavurs a fin, ha Ziegler explitgà. Fitg allegraivel saja ch’ins haja pudì dar quasi tut las lavurs a firmas indigenas. En tut èn vegnids investids radund 16 milliuns francs en la nov’ovra idraulica che nizzegia l’aua da l’aual Adont. La tschiffada d’aua sa chatta sut Cre digl Lai a Mundaditsch sin 1740 meters sur mar. La lingia da pressiun ha ina lunghezza da 4,2 kilometers. L’ovra vegn a producir radund diesch milliuns uras kilowatt ad onn. Quai correspunda al diever da circa 2'500 chasadas.

Dapli dal tema

RTR actualitad 17:00

  1. Novitads
  2. Grischun Central
  3. Artitgel actual

Artitgels legids il pli savens

Scrollar a sanestra Scrollar a dretga
cuntegn dal modal
Menu

Tschertga

Navigaziun principala