Tar entradas da radund 36,1 milliuns ed expensas da 33,8 milliuns francs quinta il preventiv per l'onn che vegn cun in surpli da 2,3 milliuns francs, uschia ha communitgà la vischnanca. Las investiziuns bruttas da la vischnanca muntan a var 12,9 milliuns francs - la maioritad da quellas investiziuns partutgan l'infrastructura da la vischnanca - dentant er investiziuns en l'infrastructura turistica.
En pli han ils da Surses decis da laschar il pe da taglia tar 100% da la taglia chantunala simpla, malgrà ch'i ha dà ina proposta or da la radunanza communala da sbassar il pe sin 90%.
Sustegn finanzial datti per la «Scola per sports da neiv da Savognin». Il suveran ha decis da sustegnair in project da renovaziun cun in credit a fonds perdu da 0,24 milliuns francs.