Siglir tar il cuntegn
Inhalt

Grischun Central Sviament da Ferrera muventa la glieud

Las organisaziuns d’ambient e la cuminanza d’interess «Schmitten Umfahrung» na san betg anc sch’i vulan trair vinavant la decisiun da la dretgira administrativa. Quella ha infurmà quest’emna, ch’ella haja refusà ils recurs dad organisaziuns d’ambient e da privats cunter il sviament da Ferrera.

Legende: Audio Bunura: Sviament muventa Schmitten / Farrera abspielen. Laufzeit 03:26 Minuten.
03:26 min, Actualitad dals 13.09.2018.

A Ferrera crescha uss la speranza da pudair survegnir in sviament il proxim temp. En ina pitschna enquista che RTR ha fatg sin via, fissan ils da Ferrera leds, sch’i dess in sviament tras la vischnanca nua ch’il traffic è savens bloccà.

Tenor il chantun pudess il sviament daventar realistic il 2023, in cumenzament da las lavurs il 2020. Quai sche la decisiun da la Dretgira administrativa na vegn betg tratga vinavant.

Sco quai che Anita Mazzetta dal WWF Grischun ha ditg ins vegnia a decider l’emna proxima co agir vinavant. La cuminanza d’interess IG-Umfahrung Schmitten s’inscuntra l’auter glindesdi cun ses advocat, ha ditg il president Ernst Tschopp sin dumonda da RTR.

RR actualitad 07:10