Las duas rollas principalas dal toc da quest onn èn duas dunnas; Lotta Mani ed Emma Hosig. Ma quellas vegnan giugadas da dus umens. Els hajan bain dunnas en la cumpagnia, di il president Gian-Luca Michael, ma quellas n'hajan betg gì temp per sa participar al teater. Uschia ch'el gioga la Lotta Mani e Mattia Dasoli sa transfurmescha per il teater en Emma Hosig.
Il pli pretensius durant giugar ina rolla da dunna sco um, è la vusch, e che quella tegnia alura era.
Sper la vusch hajan els era da sa disar da sa muentar in zic sco dunnas, ma i saja tuttavia era divertent. Per la preschentaziun giogan els lur rolla cun tuttas consequenzas, inclusivamain chalzers cun tatg e rasar las chommas.
Fiascos, sventira e pannas
En la cumedia da dus acts ha Lotta in rendezvous cun l'um da ses siemis Kurt ch'ella ha emprendì d'enconuscher en l'internet.
«La Lotta e egna flotta»
-
Bild 1 von 5. La truppa da teater da la cumpagnia Donat e la culissa da quest onn. Bildquelle: RTR.
-
Bild 2 von 5. Bildquelle: RTR.
-
Bild 3 von 5. Bildquelle: RTR.
-
Bild 4 von 5. Bildquelle: RTR.
-
Bild 5 von 5. Bildquelle: RTR.
Ma i vegn tut in zic in tras l'auter. Blers che vegnan tranteren che na duessan betg vegnir. I dat pannas, e tut va sut sura.
Il pli fitg ma legrel sin il mument ch'il public ma vesa l'emprima giada sco dunna.
Emma Hosig, la pedela, Lotta ed il meglier ami da Lotta, il Geri, emprovan da far tut il pussaivel, ch'i fetschia tuttina anc senn cun l'inscunter romantic. Sche quai gartegia la fin finala, na vegn dentant betg tradì qua.