En il toc da teater vai per secrets intims, discurs en letg e las varts negativas da la vita. La reschia fa Lina Frei-Baselgia, l’autura dal toc è Magdalena Nadolska. Ella ha fatg intervistas cun persunas, ch’èn vegnidas en contact cun l’agid SIDA Grischun, or da quels hai dà tschintg monologs. La prepremiera è ils sis d'october.
Sper il toc da teater datti era en dus lieus vitrinas ch’infurmeschan davart l’agid SIDA Grischun.
Quellas èn da vesair enfin ils 30 da november en la clinica Waldhaus a Cuira sco era en la clinica Beverin a Cazas.
RR actualitad 08:20
