Siglir tar il cuntegn

Header

cuntegn

Terratrembel Enturn Lai ed Arosa ha stremblì la terra

Karte des Seismologischen Dienstes der Schweiz an der ETH
Legenda: A partir da la magnituda da 2,5 quinta il Servetsch seismologic svizzer ch'ins pudess sentir in terratrembel. Servetsch seismologic svizzer da la ETH

En la regiun enturn Lai ed Arosa ha la terra stremblì gievgia suentermezdi suenter las 15:00. Tenor il Servetsch seismologic svizzer da la Scola politecnica federala ETH ha il terratrembel gì ina fermezza da 3,0 e saja stà da sentir cleramain enturn l'epicenter dal terratrembel. Radund 50 persunas sajan s'annunziadas. Tar ina tala fermezza na saja quai per ordinari però betg da quintar cun donns.

Il Servetsch seismologic svizzer da l'ETH registrescha mintga di trais fin quatter terratrembels en Svizra ubain l'exteriur vischin – pia 1000 fin 1500 ad onn. Propi da sentir sajan però mo 10-20 da quests terratrembels cun magnitudas a partir da 2,5, scriva il servetsch seismologic.

RTR novitads 18:00

Artitgels legids il pli savens