En il territori da skis da Spleia-Tambo han ins chattà mort la gievgia saira in skiunz sparì. Las forzas da salvament hajan chattà l'um da 65 onns curt suenter las nov la saira datiers dal runal Alpetli en la naiv nova, scriva la Polizia chantunala dal Grischun. Avant aveva sia dunna annunzià el sco sparì.
Gidà tar la tschertga han trais equipas da la Rega, salvaders dal Club alpin svizzer, il servetsch da salvament da pistas da Spleia-Tambo e spezialists da la Polizia chantunala.