Siglir tar il cuntegn

Header

cuntegn

Tgira Cooperaziun tranter Andeer ed Alvagnì

La chasa d’attempads e da tgira «envia» ad Alvagni ed il center da tgira «Glienda» ad Andeer vulan collavurar en l’avegnir. Il motiv per quest pass èn las stretgas da persunal.

Ina gruppa da lavur duaja examinar las pussaivladads sin stgalim direcziun. Quai han communitgà las duas instituziuns. Ina fusiun da las duas instituziuns na saja però betg planisada. Er na saja betg planisà da reducir plazzas da lavur.

Situaziun da partenza

La chasa d'attempads e da tgira «envia» dovra ina manadra u in manader dal servetsch da tgira ed er il center da tgira «Glienda» tschertga ina nova direcziun. Cunquai che omadus posts n'èn betg funcziuns d'ina plazza cumplaina saja difficil d'occupar las plazzas, scrivan las duas instituziuns.

Fin la fin da l’onn vulan las duas instituziuns decider davart ina cunvegna da co-operaziun. Quella pudess vegnir realisada a partir dal favrer 2020.

RR novitads 10:00