Siglir tar il cuntegn

Grischun Central Thomas Ulrich sin la Direttissima

In viadi a pe, cun il stand up paddle ed il parasgulader tras la Svizra, sin il grad da ladezza 160. Quai è la finamira da l’alpinist bernais Thomas Ulrich. Ses viadi va vers la fin. RTR ha visità el dasper l’alp Surnegn en il Surses.

Legende: Video Direttissima Svizra - E tge vess quai dad esser? abspielen. Laufzeit 1:06 Minuten.
Or da Nouvo RTR dals 26.07.2017.

La Diretissima Svizra è in’expediziun, ch’ina gruppa d’alpinists svizzers ha fatg l’onn 1983. La ruta gieva dal vest da la Svizra en il Giura, enfin tar il Pass dal Stelvio en l’ost da la Svizra. Ina ruta da 330 kilometers e 45’000 meters differenza d’autezza. Cun emissiuns quotidianas aveva il Radio DRS rapportà da lez

temp da questa expediziun fadiusa.

Cuntanschì il Grischun

Ussa, 34 onns pli tard vegn questa expediziun repetida. L’alpinist e fotograf Thomas Ulrich ha cumenzà ils trais da fanadur la tura, che duai ir a fin ils proxims dis. El fetschia quai ord plaschair e per emprender ad enconuscher meglier la Svizra. Pli tard veglia el raquintar da sias aventuras en referats.

RR actualitad 11:00