Siglir tar il cuntegn

Header

Foto da la paraid crap dal Piz Ela.
Legenda: Rega
cuntegn

Tinizong Guid da muntogna croda al Piz Ela

Il mardi avantmezdi era il guid da muntogna vid ascender ensemen cun in alpinist svizzer il Piz Ela. El saja stà lià cun ina suga, ha il pledader da la Polizia chantunala Markus Walser confermà envers l'agentura da novitads Keystone-SDA. Curt suenter las nov è l’um da 32 onns crudà plirs meters dal culm giu. I n'è dentant anc betg cler quant lunsch ch'il Grischun è curdà ed er sche la suga ha tegnì la crudada.

L’alpinist ha immediat alarmà il servetsch da salvament. La Rega ha pudì salvar il guid grev blessà ch'è en privel da vita. Il helicopter ha transportà il pazient en l’ospital chantunal a Cuira. La polizia chantunala examinescha ensemen cun la procura publica l’andament da l’accident, sco ella scriva en ina communicaziun.

audio
Per tadlar: Las novitads da las 16:00
ord RTR Audio dals 03.08.2022.
laschar ir. Durada: 3 minutas 8 Secundas.

RTR novitads 16:00

Artitgels legids il pli savens

Scrollar a sanestra Scrollar a dretga