Stefan e Silvano Netzer èn bab e figl. Ils dus umens da Casti partan ina gronda passiun: ils töffs. Ina passiun ch'il figl ha cleramain ertà da ses bab. Gia fitg baud è Silvano Netzer stà fascinà da tut ils vehichels motorisads. Perquai ha el - cun circa set onns - survegnì in «Pocket Bike» da ses bab. In mini-töff per uffants - in culp da partenza. Durant ils onns èn ils töffs lura adina vegnids pli gronds e pli sperts. Uss va el cun ina 800 per las stortas - e quai betg pli be sin las vias normalas.
La pista da las pistas
Uss cun 18 onns po Silvano finalmain er ir cun ses bab sin ils gronds cirquits da cursa. Ed oravant tut sin la pista da las pistas: l'Autodromo a Mugello - in dals Meccas per töffists. Questa stad èsi finalmain stà uschè lunsch e Silvano ha pudì ir sin quella pista che vegn uschiglio dominada da ses idols. Ina premiera ch'ha sveglià emoziuns tar l'entira famiglia.
TSG 17:40
