Legenda:
Tranter ils tunnels da Plazzas ed Isla Bella è l'accident capità.
mad, PoCha
Sonda suentermezdi hai dà ina botschada sin l'autostrada A13 a Giuvaulta tranter in töf ed in auto. Il töffist è sa blessà levamain. Sco quai che la polizia chantunala scriva, era in'automobilist en viadi sin l'autostrada en direcziun nord. Tranter ils dus tunnels Isla Bella e Plazzas ha el stuì franar pervi da colonnas. Il töffist davos el ha remartgà quai memia tard ed ha stuì franar andetgamain. Entras quai è el crudà e glischnà cun ses vehichel en l'auto.
Il traffic era vegnì svià sur la via chantunala. La polizia chantunala investighescha il decurs exact da l'accident.