Per la renovaziun da la serenera dad Ausserglas han votantas e votants da Tschappnia concedì in credit da 110’000 francs. Ina tualetta al parcadi Ausserglas vegn realisada questa primavaira. Quai ha la radunanza communala decidì la gievgia saira.
Dasper quest credit èsi vegnì confermà dus candidats en lur uffizis. Simon Gartmann resta president da vischnanca da Tschappina. Medemamain ina conferma datti tar il departament forestal: Leo Rüedi resta vinavant schef da quest uffizi.
Plinavant ha il suveran da Tschappina concedì a l'EWZ in dretg da spustar la lingia electrica sut terra per il provediment dad Obergmeind.
