Siglir tar il cuntegn

Header

video
Tschappina: Lai da Lüsch vegn puspè emplenì
Or da Telesguard dals 09.05.2022.
abspielen. Laufzeit 3 minutas 6 Sekunden.
cuntegn

Tschappina Suenter in tschientaner puspè aua en il Lai da Lüsch

L’anteriur Lai da Lüsch sin la Mantogna/Heinzenberg ch’è vegnì svidà avant dapli che 100 onns, vegn puspè emplenì. Ils Runals Tschappina-Lüsch-Urmagn vulan nizzegiar l’aua per far naiv artifiziala. Radund in milliun francs duain vegnir investids.

Il lai s’empleneschia sco giavischà, uschia ch'els sajan cuntents cun il decurs dal project, quai ha ditg Hanspeter Grass ch'è president dal cussegl d’administraziun dals Runals da Tschappina. Els sajan da buna speranza, ch’i possian gia l’enviern proxim nizzegiar l’aua per far naiv. Il lai da Lüsch reactivà vegn ad avair ina capacitad d’enfin 100’000 meters cubics. Quai è 20 giadas uschè bler sco quai ch’il lai artifizial existent porscha.

audio
Il lai da Lüsch s'emplaina
aus Actualitad vom 09.05.2022.
abspielen. Laufzeit 3 minutas 22 Sekunden.

Memia pauc'aua per far naiv

Ils davos onns haja adina puspè dà memia pauc’aua per far naiv, ha ditg Grass. Cun il Lai da Lüsch vegnan ils problems a tutgar al passà, sch’i dat alura ina lubientscha definitiva. Il test actual cuzza trais enfin tschintg onns. Tranter auter sto vegnir examinà, sche l’aua n’ha nagin effect sin il terratsch da la Mantogna. In rapport geologic na va betg or da quai. Pli baud ins quintava, ch’il lai saja responsabel per bovas en la val. Perquai era il Lai da Lüsch vegnì svidà.

RTR actualitad 12:00

Artitgels legids il pli savens

Scrollar a sanestra Scrollar a dretga