Siglir tar il cuntegn

Header

audio
«Igl Mulègn digl Hans Clo»
Or da Actualitad dals 29.12.2021.
laschar ir. Durada: 2 minutas 58 Secundas.
cuntegn

Tumegl «Igl Mulègn digl Hans Clo»

Othmar Caviezel è in um cun blers interess. Ils ultims onns è il scriver vegnì tiers. Sia pli nova publicaziun «Igl Mulègl digl Hans Clo». Regurdientschas da la vita sco mat da set onns cun sia famiglia e d'in lieu schon prest paradisic, per el en mintga cas.

Il cudeschet che Othmar Caviezel (70) da Tumegl ha scret è ses tschintgavel – l'emprim dentant en rumantsch. I saja in experiment ha el tradì. In experiment per l'ina d'insumma scriver en rumantsch ed in experiment da scriver da sias regurdientschas sco mat da set onns, ch'ha passentà las stads cun sia famiglia en il mulin dal Hans Clo. El saja engraziaivel per quest temp a Tumegl. In temp bain da povradad, dentant er d'atmosfera da partenza suenter la guerra mundiala.

Cudeschs d'Othmar Caviezel
Legenda: Il cudeschs scrits enfin ussa dad Othmar Caviezel. Tona Poltera

En il cudesch, ch'è sper il rumantsch er en dialect tudestg e tudestg da standard descriva Othmar Cavieziel in temp er da separaziun tranter il catolics ed ils refurmads en Tumleastga, da represalias, d'in temp dentant er da libertad e cumplaina ventira. E quai saja er in dils motivs per scriver – da porscher in lieu da regurdientscha e la fin finala haja el simplamain plaschair vi dal scriver.

RTR actualitad 17:30

Artitgels legids il pli savens

Scrollar a sanestra Scrollar a dretga