Siglir tar il cuntegn

Tumleastga La regiun dals mirs sitgs

Per la cuntrada culturala Tumleastga èn ils mirs sitgs il fil cotschen – il fil da crap tras la cuntrada. Per Rudolf Küntzel, l'inschigner da cultura pensiunà e mainaproject èn mirs sitgs dapli che mirs, per el èn mirs autenticitad d'ina regiun e lieus da vita per dapli biodiversitad.

Els tutgan tar il maletg da la cuntrada grischuna – ils mirs sitgs. En Tumleastga è il project cuntrada culturala vegnì lantschà avant 30 onns. Ina da las finamiras è stada da salvar e mantegnair ils mirs sitgs da la regiun. Quants kilometers mirs sitgs ch'i dat propi en Tumleastga na sa Rudolf Küntzel betg exact. Circa 80% sajan enconuschent ad els, cunquai ch'ils purs survegnian indemnisaziuns per il mantegniment. Ma adina puspè fa l'um pensiunà scuvertas da novas parts da mirs sitgs. Cun agid d'emprendists, ma er cun firmas indigenas èn uschia ils davos onns vegnì mantegnì passa in kilometer mirs sitgs e quai en circa 50 lieus. Uschia han ils mirs salvads ins lunghezza tranter 5 e 50 meters.

In mir cun vita

Rudolf Küntzel
Legenda: Rudolf Küntzel, il «mister mir sitg» da la Tumleastga RTR

Cura che Rudolf Küntzel cumenza a discurrer da mirs sitgs, cumenza el automaticamain er da far reclama per ils mirs. Sia missiun saja bain er in pau da mussar l'impurtanza dals mirs per il maletg da la cuntrada e per la biodiversitad. Ed uschia s'engascha el onn per onn per sustegn finanzial, agid da forzas da lavur e fa reclama en chaussa mirs sitgs.

Ils mirs sitgs da la Tumleastga

Or da l'archiv – mirs sitgs a

RTR actualitad 12:00

Artitgels legids il pli savens