La vischnanca da Tumleastga ha fatg in pitschen plus l'onn passà. La radunanza communala ha approvà il quint communal cun in surpli d'entradas da stgars 200'000 francs – quai tar entradas ed expensas da radund 13 milliuns francs.
Il plan da dar giu 2 parcellas communalas a Rèsch en dretg da bajegiar ha la radunanza però refusà. S'interessada era la societad cooperativa da construcziun Quattro. In'ulteriura parcella a Rèsch po vegnir duvrada da la Quattro per bajegiar chasas da pliras abitaziuns. Il resultat da la votaziun è stada 56 cuntravuschs è 22 persuenter.
Puspè approvà ha la radunanza ils credits per reveder la planisaziun locala e sanar la funtauna Son Agnöns. E sin basa d'ina proposta ord il plenum è era in scumond per fieus artifizials sin intschess communal vegnì decidì.
