Geologicamain è la Val d'Alvra fitg speziala. Oravant tut la vetta da crap «corniola da Raibl» che sa stenda dal Pass da l’Alvra fin sut Bravuogn. Era en connex cun la construcziun dal nov tunnel ha quella vetta porusa chaschunà grondas sfidas.
Las mesiras necessarias avant e durant las lavurs da construcziun hajan però mussà l'effect giavischà, uschia ch’il nov tunnel n'ha nagin effect sin l’aua sutterrana e quella dal Lai da Palpuogna.
Per esser da la vart segira che quai è propi er uschia, han geologs fatg in ultim experiment cun colur fluorescenta. En ina fora dal lai han els injectà la colur speziala ch’ins po suenter anc cumprovar mais pli tard en grondezzas da nanograms.
Nus essan 100% segirs ch'il nov tunnel d'Alvra n'ha nagina influenza sin il livel d'aua dal Lai da Palpuogna.