Grischun Central - Tunnel da Balamburtg è pli segir
La galaria da segirezza dal tunnel da Balamburtg sin l'A13 è perfurada. Sco quai che l'uffizi federal per vias communitgescha, saja uschia realisada in'impurtanta etappa dal project.
La galaria da segirezza en il tunnel tranter Andeer e la Chavorgia da la Rofla è necessaria perquai ch'il tunnel sto daventar pli segir. Sin la fin dal 2019 duain tut las lavurs esser a fin. Las mesiras da segirezza dal tunnel da Balamburtg custan tut en tut 38 milliuns francs.
