Siglir tar il cuntegn

Header

cuntegn

Grischun Central Tunnel da l’Alvra: Grip fa quitads als miniers

Las lavurs vi dal nov tunnel da l’Alvra s’avanzan tenor plan. Da la vart da Preda èn è gia vegnì chavà 330 meters, da la vart da Spinas 120 meters en il grip. Quitads fa la zona cun in tip da grip che vegn numnà «Rauwacke».

Actualmain vegnan siglientads 2 fin 4 meters grip per di da mintga vart, ha ditg Gilbert Zimmermann, il manader da construcziun da la Viafier retica. Quitads fa il grip oravant tut da la vart da Preda. I saja in tip da grip che vegn numnà «Rauwacke», ch’ins po s’imaginar sco sablun cun aua e crappa da la grondezza dad in pugn. Questa zona dal disturbi geologic saja 10 meters auta e var 20 meters lunga.

Per stabilisar il tunnel han ils miniers preparà il grip cun bischens cun aua schelada. Uschia schela era il grip e daventa stabil per lavurar. Tar il tunnel vegl da l’Alvra ch’è vegnì construì avant passa 100 onns aveva quai dà tar questa zona plirs morts perquai che bler’aua era entrada en il tunnel.

RR actualitad 12:00/06:00

video
In viadi miraculus (Cuntrasts dals 29.6.2003)
Or da RTR dals 29.06.2003.
laschar ir. Durada: 24 minutas.

Artitgels legids il pli savens