Tusaun: 20 persunas evacuadas pervi d'incendi

Mardi bun'ura hai brischà en ina chasa d'abitar a Tusaun. Tut ils abitants han stuì vegnir evacuads.

Purtret dals pumpiers a la lavur durant la notg. Bild in Lightbox öffnen.

Legenda da maletgs: A Tusaun hai brischà en ina chasa abitada. MAD, Polizia chantunala

Curt suenter las 4 ha in abitant alarmà la centrala da la Polizia chantunala grischuna pervi da fim en sia abitaziun. La polizia haja lura alarmà ils pumpiers da Tusaun e Mantogna Sura. Ils pumpiers han constatà in braschlim tranter ina paraid davos ina pigna da laina.

Per far la segira èn ils 20 abitants da la chasa vegnids evacuads en in chantunament. Ils 50 pumpiers hajan svelt gì sut controlla il fieu en la chasa sut protecziun da monuments. La summa dals donns na possian ins anc betg numnar. Il cas vegn intercurì dals investigaders da fieu da la Polizia chantunala.

RR novitads 10:00