Siglir tar il cuntegn

Grischun Central Tusaun cumpra campadi

Cun 71:1 vusch tar 6 abstenziuns ha il suveran da Tusaun decidì a la radunanza communala da mesemna saira da cumprar il campadi da Tusaun cun tut sias immobiglias. Il pretsch da cumpra munta a 680’000 francs, tge ch’è la mesadad da la valita da stimaziun.

La radunanza communala da Tusaun è stada bain visitada.
Legenda: La radunanza communala da Tusaun è stada bain visitada. RTR, Federico Belotti

Il mars da quest onn è la «Campingplatz Viamala AG Thusis» ida concurs. Pir avant sis onns è il campadi dasperas il Rain vegnì sanà per dus milliuns francs. Ins haja sa surchargià, aveva il campadi communitgà la primavaira: Bain ins haja gudagnà daners, ma il manaschi saja stà plain debits, perquai ins haja deponì la bilantscha.

Mai stà serrà

Era suenter il concurs è il campadi ch’ha radund 100 plaz stà avert durant la stad. La vischnanca da Tusaun ha en accordanza cun l’uffizi da scussiun e concurs decidì da manar temporarmain il campadi durant ils mais da stad. Ussa va la plazza da campar pia en il possess da la vischnanca da Tusaun. La finamira principala saja ussa da chattar in gestiunari per il campadi.

RR novitads 23:00