En il tunnel dal San Bernardino ha la Polizia chantunala fermà ina automobilista che n’èra betg pli capabla da manischar. Ses auto è stà fitg donnegia. La raschun: sin l’autostrada A13 tranter Tusaun e San Bernardino saja ella probabel collidada pliras giadas en differents lieus. Quai ha communitgà la Polizia chantunala che ha survegnì plirs avis da terzas persunas.
Retratg permiss al lieu
La manischunza haja periclità plirs ulteriurs utilisaders da la via. La dunna da 31 onns ha stuì far ina test dal sang, dar ina prova d’urin ed immediat dar giu il permiss dad ir cun auto. La polizia tschertga perditgas.