La sonda avantmezdi è in auto charrà a Tusaun en ina peduna, scriva la Polizia chantunala. Ina automobilista da 52 onns era da viadi da la Neudorfstrasse en direcziun sortida dal vitg. L'auto ha bandunà – ord motivs nunenconuschents – il vial da vart dretga e tutgà ina dunna da 23 onns sin in parcadi. Lura è l'auto anc charrà sin la punt dal Nolla ed ha tutgà pliras giadas la saiv da segirezza da la vart opposta.
La peduna è vegnida blessada grevamain. Suenter ina examinaziun dal servetsch da salvament Grischun Central è ella vegnida sgulada cun helicopter en l'Ospital chantunal a Cuira. La Polizia chantunala e la procura publica examineschan il schabetg.
audio
Per tadlar: las novitads da las 15:00
ord RTR Audio dals 19.02.2023.
laschar ir. Durada: 4 minutas 25 Secundas.