Sco quai ch’il president communal da Tusaun, Curdin Capaul, ha ditg envers RTR, veglia el discutar proximamain davart l’avegnir. Ina soluziun pussaivla fiss da reducir la suprastanza (inclusivamain il president) da set sin tschintg persunas.
Questa midada duvrass dentant il consentiment da la radunanza communala e suenter ina votaziun a l’urna. Il liberaldemocrat quinta ch'ins pudess realisar ina tala mesira entaifer in mez onn.
La speranza resta
La speranza dad anc chattar duas persunas per la suprastanza communala resta dentant. Betg il davos perquai ch’ins haja gia adatta il reglament da spesas: Ina persuna che reducescha ses pensum da lavur tar ses emploiader, pudess uschia cumpensar quella mancanza cun las spesas da la vischnanca.
Tuttina conceda Curdin Capaul ch'i saja daventà adina pli grev ozendi d’occupar gremis da la vischnanca – surtut era perquai ch’ins vegnia savens crititgà en in tal post.
RR actualitad 08:10