Siglir tar il cuntegn

Header

cuntegn

Tusaun Scola duai vegnir engrondida

Tusaun vul engrondir la scola primara. Per mauns da l‘urna dals 13 da favrer 2022 ha la radunanza communala approvà in credit da planisar e construir l‘engrondiment da la scola Compogna, quai per radund 2.6 milliuns francs.

  • Plinavant ha la radunanza communala da Tusaun approvà il preventiv dal 2022. Quel prevesa expensas da stgars 26,6 milliuns francs tar in minus da 725‘000 francs.
  • Il pe da taglia resta sco enfin qua sin 115% da la taglia chantunala simpla.  
  • Per sviluppar e renovar la staziun da Tusaun è vegnì approvà in credit brut da 350‘000 francs per l‘elavuraziun d‘in studi. Il studi duess sclerir ils divers basegns ch’i dat tar ils differents partenaris a la staziun da Tusaun. La vischnanca vegn ad incumbensar almain trais teams, che consistan or da construiders da citads, planisaders da traffic e architects da cuntradas. Cun ils emprims resultats dal studi quinta la vischnanca l’onn 2023. Il studi valaalura sco basa per il plan da quartier, che reglescha la concepziun, las etappas da construcziun, sco era la finanziaziun.
audio
Tusaun: sanaziun da la staziun
ord Actualitad dals 25.11.2021.
laschar ir. Durada: 3 minutas 10 Secundas.
  • Il concept per realisar in concept da parcar en il territori da Pantun ha la radunanza communala refusà. La suprastanza vegn ussa a surlavurar il project che preveseva en l’emprima etappa in‘investiziun da 400‘000 francs.
  • A la «Italienische Strasse» tar la Landi duess vegnir construida ina nova staziun da bus, è vegnì decidì. Dals 350‘000 francs surpiglia il chantun probabel 60%.
  • Per sanar la funtauna Compogna è vegnì approvà la summa da 650‘000 francs.
  • La quota per la cumpra da terren ed abitaziuns da vacanzas tras persunas da l‘ester è vegnida definida sin 100%.

     

    RTR novitads 06:00

    Artitgels legids il pli savens