Legenda:
Gertrud Fitzi (segunda da sanester) ed il team da gidanters al post da distribuziun a Tusaun.
RTR/sg
cuntegn
Grischun Central - Tusaun:«Tischlein deck dich» è tschertgà
L’organisaziun «Tischlein deck dich» furnescha victualias che na pon betg pli vegnir vendidas a famiglias, migrants u er a persunas dependentas da l'agid social. Cun ina carta distribuida da l’uffizi social da la regiun èsi pussaivel da sa servir per in pretsch simbolic dad 1 franc.
A Tusaun datti quel post da distribuziun ussa tschintg onns. «El sustegna mintg’emna dapli che 100 persunas», di la manadra dal post da distribuziun a Tusaun, Gertrud Fitzi.
A l’entschatta eran las persunas malsegiras e scepticas. En il decurs dals onns ins è sa disà vidlonder ch'i dat questa purschida ina giada a l’emna a Tusaun.
Ina sfida per ils gidanters dal post da distribuziun a Tusaun è er adina puspè la difficultad da chapir las persunas estras.
