Tusaun: Trais milliuns per vias e passapes

La radunanza communala da Tusaun ha decidì da sanar la via Compogna. Ils custs muntan a dus milliuns francs. La via duai vegnir sanada en trais etappas ils onns 2018-2020. Era l‘access per peduns nord è vegni approvà da la radunanza communala.

Carta da Tusaun cun il project per in passape Bild in Lightbox öffnen.

Legenda da maletgs: Il passape nov (cotschen) va fin tar il cunfin cun Cazas. RTR

76 han vuschà per il passape, 8 èn stads cunter, quai tar 4 abstenziuns. Per in milliun francs vegn construi in passape tranter il sutpassadi Roza enfin tar il cunfin cun Cazas, nua ch‘ils discounters sa chattan. Il chantun sa participescha cun radund in terz vi dals custs. Las fatschentas van anc en votaziun a l‘urna il schaner u il mars.

Pe da taglia senza sbassament pervi d'investiziuns grondas

Il pe da taglia a Tusaun è resta vinavant sin 115% da la taglia chantunala simpla. Plinavant ha la radunanza communala da Tusaun approvà il preventiv ed il quint d‘investiziuns dal 2018. Il preventiv prevesa entradas da 22‘666‘500 tar in surpli d‘expensas da 475‘000 francs. Il quint d‘investiziun prevesa investiziuns nettas da 7‘777‘500 francs.

RR novitads 06:00