Siglir tar il cuntegn

Header

cuntegn

Tusaun Via libra per «Chamona da guaud Crappasusta»

La regenza ha approvà il project «Chamona da guaud Crappasusta» sur Tusaun e conceda a la societad burgaisa Tusaun in credit da 30'000 francs per realisar la chamona.

purtret dal bajetg da lain sur Tusaun.
Legenda: Uschia duai la chamona Crappasusta guardar ora. Fiba Holzbau AG

Tar il project vai per realisar ina construcziun da laina cun in diever multifuncziunal. Oravant tut vai per la lavur publica forestala. En quest connex duai il bajetg servir sco lieu per scolaziun e furmaziun per mastergns da guaud, scolas, uniuns, organisaziuns, ed ulteriuras persunas interessadas al guaud. Las persunas che dovran la chamona duain vegnir sensibilisadas per ils temas guaud, natira e cuntrada. Ella stat dentant er a disposiziun ad autoritads, firmas, societads e persunas privatas sco lieu da dieta e per occurrenzas socialas e culturalas.

La chamona duai avair ina gronda stanza averta e centrala cun grondas fanestras. Questa sala duai esser pussibel d'engrondir cun ina gronda terrassa cuverta. Dasper la sala datti ina cuschina ed in magasin. En ina part separada dal bajetg datti lura tualettas, sco er la tecnica ed in magasin da pellets. La part dadora dal bajetg vegn constuida cun laina da laresch da Tusaun. Er dadens duai la maioritad da l'indriz vegnir construì da lain indigen. Stgaudà vegn il bajetg cun pellets.

audio
Per tadlar: las novitads da las 10:00
aus RTR Audio vom 14.04.2022.
abspielen. Laufzeit 2 minutas 7 Sekunden.

RTR novitads 10:00

Artitgels legids il pli savens

Scrollar a sanestra Scrollar a dretga