Grischun Central - Tut va tenor plan tar las Pendicularas da Lai
Cun la nova stagiun d’enviern, survegnan las Pendicularas da Lai ina nova sutgera ed ina nova pendiculara. Sco quai che Peter Engler, il CEO da las pendicularas ha ditg, quinta el da survegnir fin la fin da november tut las lubientschas da manaschi.
Legenda:
La nova staziun a val da Curvalda.
RTR, F. Belotti
2 / 7
Legenda:
La nova staziun a val da Curvalda.
RTR, F. Belotti
3 / 7
Legenda:
La nova staziun a val da Curvalda.
RTR, F. Belotti
4 / 7
Legenda:
Visualisaziun dal nov portal a Curvalda.
RTR, F. Belotti
5 / 7
Legenda:
Era las novas cabinas per Curvalda èn gia arrivadas.
RTR, F. Belotti
6 / 7
Legenda:
La nova sutgera traversa a parpan la via principala.
RTR, F. Belotti
7 / 7
Legenda:
Ina staziun da la nova sutgera che colliescha las dus varts dal territori da skis da Lai.
RTR, F. Belotti
Questa stad è vegnida construida per dus milliuns francs la sutgera Obertor a Parpan. Quella traversa la via chantunala, e colliescha la vart da l’ost cun quella dal vest en il territori da skis da Lai.
Project pli grond a Curvalda
A Curvalda è vegnida construida ina nova staziun a val. Ils custs muntan a 15 milliuns francs. Las lavurs da construcziun van plaunet vers la fin e las gondlas èn gia arrivadas. Proximamain vegnan quellas pendidas si vid la suga. Las Pendicularas da Lai speran, che la gronda part da las skiunzas e skiunz che vegnan si da Cuira vegnian da nov ad entrar davent da Curvalda en il territori da skis. Il dumber da parcadis è vegnì dublegià, e per il traffic public datti ina nova fermada.
audio
Grondas investiziuns tar las Pendicularas da Lai
03:06 min, ord Actualitad dals 23.10.2015.
laschar ir. Durada: 3 minutas 6 Secundas.
Corn Cotschen cun novas gondlas
Gia la primavaira è ida en funcziun la nova pendiculara da Scharmoin sin il Corn Cotschen. Per trais milliuns francs èn ils indrizs tecnics cun frains vegnids renovads, ed igl ha dà duas novas gondlas grondas.
