La Viamala è in lieu che fascinescha dapi tschientaners. Blers èn passads ed intgins dad els han laschà enavos fastizs en furma da citats, chanzuns, diaris ubain istorgias. Erwin Drinberger ch'è scolast secundar, ha rimnà a posta per in'inscenaziun en la chavorgia quels documents. Uschia ha el creà in toc teater nua ch'el mida permanentamain sia rolla. El raquinta ord la perspectiva dal pur, schuldà, signur, marchadant e blers auters umans.
Fascinads da questa chavorgia eran tuts.
El n'ha betg be scrit il toc, mabain era fatg la reschia. Viamala Notte porscha istoriga, infurmaziun ed in'atmosfera unica cun las laternas en il stgir da questa rauca val.