Siglir tar il cuntegn
Inhalt

Grischun Central Uniun da mastirants Surses promova fusiun

L’Uniun da mastirants e commers Surses ha elegì sia suprastanza. Conrad Plaz daventa il nov president. El surpiglia l’uffizi da Vendelin Coray, ch’è da nov responsabel per la «Famiglia Savognin» en suprastanza.

Nicolin Sonder, Vendelin Coray, Conrad Plaz, Karin Hersche, Roberto Guetg.
Legenda: La nova suprastanza: Da sanester: Nicolin Sonder, Vendelin Coray, Conrad Plaz, Karin Hersche, Roberto Guetg. RTR, F. Belotti

Plinavant èn vegnids confermads en suprastanza Karin Hersche e Nicolin Sonder. Da nov en la suprastanza è Roberto Guetg. La radunanza generala extraordinaria da mesemna saira ha plinavant approvà ils novs statuts da l’uniun ed approvà il reglament da la «Famiglia Savognin». Quella vegn organisada en la furma da fauturs. Plinavant ha l’Uniun da mastirants e commers dà ora la parola da dir gea a la fusiun en il Surses che va en votaziun il mars e l’avrigl.