Siglir tar il cuntegn

Header

Veronika Widmann, Judith Burri e Regina Lenz (da san.).
Legenda: Da nov in team da trais: Veronika Widmann, Judith Burri e Regina Lenz (da san.). Uniun Parc Ela
cuntegn

Uniun Parc Ela Trais directuras enstagl d'in administratur per il parc

Il Parc Ela vegn en l'avegnir timunà dad in team. A partir da l'avrigl èn trais dunnas responsablas per las fatschentas da l'uniun dal pli grond parc da la natira da la Svizra.

Nov vitiers vegn Veronika Widmann - la dunna dal Tirol dal Sid è actualmain vicedirectura da la rait da regiuns da protecziun alpinas Alparc. Ensemen cun Judith Burri e Regina Lenz, ch'eran enfin uss gia en la direcziun, cumplettescha ella il team, uschia ha communitgà l'uniun. Fin ch'il team da trais dunnas surpiglia il timun l'avrigl resta Judith Burri la manadra da fatschenta ad interim.

Betg in model nov

Daltut nov è quest model betg – il Parc Ela è er vegnì manà il davos onn e mez d'ina direcziun da trais persunas. Uss vegnia dentant integrada la part da manar ch'il manader da fatschenta aveva enfin ussa. Sco Paolo Giacometti, il president da l'uniun Parc Ela scriva, continueschia l'uniun cun il model da team perquai che quel saia sa cumprovà. Cun lavurar uschia, sajan ins pli flexibel er sch'i dettia midadas.

audio
Per tadlar curt e cumpact
aus RTR Audio vom 14.12.2021.
abspielen. Laufzeit 1 minuta 15 Sekunden.

RTR novitads 10:00

Artitgels legids il pli savens

Scrollar a sanestra Scrollar a dretga