Siglir tar il cuntegn

Header

audio
Stierva: pitschna uniun da turissem cun grond success
Or da Actualitad dals 13.03.2021.
laschar ir. Durada: 03:43 minutas.
cuntegn

Uniun speziala 30 onns uniun turistica Stierva

Stierva n'è betg in lieu cun bler turissem. E tuttina, la vischnanca en Val d'Alvra, ha ina uniun turistica fitg activa ed engaschada. Profitar profitan ils indigens, ils giasts e la vischnanca.

Anc avant che l'uniun turistica Stierva è vegnida fundada il december 1991, eran sin maisa plans da colliar la staziun da tren a Casti cun l'alp da Stierva e da realisar in territori da skis. Il territori n'hai betg dà – ina uniun turistica blers onns pli tard schon.

Uniun d'interess

Lucas Thöni.
Legenda: Lucas Thöni da l'uniun turistica Stierva. RTR, Tona Poltera

Lucas Thöni è vegnì avant dus onns en la suprastanza da l'uniun turistica. Il bab da famiglia vesa l'uniun er dapli sco uniun d'interess e pli pauc sco uniun turistica. Las lavurs e l'engaschament da giasts ed indigens per la chaussa saja dentant enorm impurtant per la communitad en vischnanca.

Uschia vegn ina giada ad onn fatg lavur cumina, e la vischnanca politica Albula/Alvra sustegna la lavur cun contribuziuns finanzialas. Ed er en il futur, cura ch'i vegn a dar ina lescha da turissem en la vischnanca fusiunada, vegn il sustegn ad esser garantì, di il president communal Daniel Albertin.

RTR actualitad 08:00

Artitgels legids il pli savens

Scrollar a sanestra Scrollar a dretga