Uss è la staziun da Favugn puspè averta

Suenter sis mais da lavurs da renovaziun è la staziun da la Viafier retica a Favugn puspè averta. Dapi il mardi passà han uss er persunas cun in impediment in access pli facil als trens. Las lavurs han custà 3,3 milliuns francs.

La staziun cun locomotiva e perrun. Bild in Lightbox öffnen.

Legenda da maletgs: Il perrun d'amez da la staziun da Favugn è vegnì auzà per facilitar l'access al tren. mad, Viafier retica

Uss accupleschia la staziun da Favugn las prescripziuns da la lescha davart l'egualitad da persunas cun impediments, scriva la Viafier retica en ina communicaziun a las medias.

Aifer in mez onn sajan vegnidas adattadas ils perruns ed il sutpassadi. Il perrun amez è vegnì auzà sin il livel ch'ils passagiers possian entrar en il tren sin la medema autezza. Tar il nov perrun maina il sutpassadi cun duas novas rampas ed ina nova stgala ch'èn tuttas sut tet. En pli è vegnida fatga ina nova illuminaziun.

Sco che la Viafier retica scriva, èn uss er l'automat da bigliets ed ils ulteriurs apparats puspè da chattar sin il perrun amez.

RR novitads 17:00