Siglir tar il cuntegn

Header

Sina Mara Hassler  in purtret
Legenda: Sina-Mara Hassler ha in pensum da lavur da 40%. ANR, B. Riedhauser
cuntegn

Grischun Central Val Schons ha nova promotura dal rumantsch

Dapi l’emprim da fanadur lavura Sina-Mara Hassler (28) da Donat/Basilea sco promotura regiunala da la Lia Rumantscha per la Val Schons. Sco quai che l’Agentura da novitads rumantscha ANR scriva, è il post stà vacant in onn e mez.

Sco quai che Sina-Mara Hassler ha ditg envers l’ANR, veglia ella realisar ils giavischs dals Rumantschs da la regiun, organisar scuntradas tematicas e cafés rumantschs e visitar scolas e scolettas. Durant ils mais da stad veglia ella sa lavurar en, survegnir ina survista da quai ch’i dettia da far e preparar la midada dal biro davent da Ziràn a Vargistagn en il center da Capricorns. Sco moto da sia lavur vesa Sina-Mara Hassler l’avertadad tranter Rumantschs e lur sentiment d’esser ina unitad.

Studegià medischina natirala

La nova collavura da la Lia Rumantscha ha fatg la matura bilingua, ha passentà ils davos onns a Basilea, nua ch’ella ha studegià quatter onns medischina natirala e lavurà trais onns en la clinica antropologia da Arlesheim. Dasperas la plazza tar la Lia ch’è dotada cun 40%, lavura Sina-Mara Hassler per il mument vinavant a Basilea, nua ch’ella lavura en il sectur da la medischina natirala.

Artitgels legids il pli savens

Scrollar a sanestra Scrollar a dretga