Il Plantahof era vegnì l'atun passà en acziun. Ils prads da la Val Schons eran per part brins e donnegiads dal tuttafatg. Dapi in pèr onns cumbattan ils purs quels giasts betg giavischads cun in bulieu che attatga e mazza ils coss. Uss dentant, enstagl da metter il bulieu Beauveria sitgs en la terra, han perscrutaziuns mussà che quest bulieu po era vegnir mess umids en il funs. Entras quai pon ins reagir pli spert e meglier. Uschia han ins cuntanschì fitg buns resultats.
Dentant na vul ins betg sragischar ora ils coss dal tuttafatg. La finamira è da decimar la populaziun sin 20%. Uschia fan ils coss be fitg pauc donn ed ils purs èn era cuntents.