Siglir tar il cuntegn

Header

audio
Parlament: Moziun Schmid – Exempel Valragn
Or da Actualitad dals 15.03.2022.
abspielen. Laufzeit 3 minutas 4 Sekunden.
cuntegn

Valragn Ina moziun vuless midadas per zonas agriculas

Il cusseglier dals chantuns Martin Schmid vuless cun ina moziun dar la pussaivladad da midar zonas da pastgiras d'alp en terren d'agricultura.

Il 2011 ha Valragn cumenzà cun la meglieraziun. Ina finamira era da metter il terren planiv en la zona da terren d'agricultura. La midada n'è dentant betg pussaivla cunquai che parts valan sco prada d'alp. Cun schlargiar l'autostrada A13 perda l'agricultura terren per cultivar. Per Markus Stoffel da la cumissiun da meglieraziun fiss ina midada, in tar in, cun prada d'alp stà il pli simpel ed er pli favuraivel per la Confederaziun.

Da Berna in Na

Il Na da Berna ha motivà Markus Stoffel dad ir la via politica. El ha contactà il cusseglier dals chantuns Martin Schmid ch'ha inoltrà ina moziun correspundenta. Quella prevesa ina modificaziun da l'ordinaziun da zonas agriculas. La cumissiun predeliberonta dal cussegl dals chantuns sustegna la moziun che duess vegnir quests dis en il cussegl.

RTR actualitad 12:00

Artitgels legids il pli savens

Scrollar a sanestra Scrollar a dretga